Ричард Гир зборуваше за своите почетоци како актер и се присети на времето кога бил далеку од богатството и луксузот во кој живее денес.
„Гладував во 70-тите како актер на самиот почеток на мојата кариера, само се обидував да успеам. Имав среќа што воопшто работев, но немаше многу актери кои всушност заработуваа пари тогаш“, изјави за Page Six. „Мојот главен оброк беа јајцата. Ресторани не постоеја за мене, тоа беа тешки времиња“, додаде тој.
„Да се биде гладен беше норма за многу луѓе, особено за актерите кои го започнаа своето патување во Њујорк“, рече Гир, кој беше фатен од новинарите на „Page Six“ на хуманитарна вечера за организацијата „ City Harvest “ која им помага на оние кои се на работ на глад.
„Храната е животна неопходност и многу Американци не ја имаат задоволена таа потреба. Сега сè е проклето скапо. Затоа, среќен сум што ќе помогнам кога станува збор за обезбедување на хранлив оброк на луѓето. Тоа е основно човеково право“, додаде Гир.