Американската пејачка Лана Дел Реј го објави новиот студиски албум наречен „Chemtrails Over the Country Club“, речиси по една година откако го откри неговото име.
По објавата на албумот „Norman Fucking Rockwell!“ во 2019 година и минатогодишниот „Violet Bent Backward Over the Grass“, новото издание ги вклучува претходно објавените песни „ Let Me Love You Like a Woman“ и песната по која албумот го добил своето име – „Chemtrails Over the Country Club“.
Повеќето песни ги продуцирал Џек Антоноф, а на него се наоѓаат вкупно 11 нумери.
Како најава за новиот албум, Лана уште во декември во емисијата „The Tonight Show“ која ја води Џими Фалон, ја изведе песната „Let Me Love You Like a Woman“.
Само 2 дена откако го објави албумот, пејачката на својот Инстаграм профил најави излегување на уште еден музички албум, наречен „Rock Candy Sweet“ кој ќе го види светлото на денот на 1-ви јуни оваа година.