Ријалити звездата Ким Кардашијан (44) откри за време на епизодата од подкастот „Call Her Daddy“ на Алекс Купер, која се емитуваше во средата, 15 октомври, дека веројатно троши до 1 милион долари годишно на својата гламурозна рутина, пишува српски Курир.
За време на играта „Confession via Text“, 31-годишната Купер ја праша Ким колку чини нејзината фризура и шминка, на што таа одговори, по кратка пауза, „Па… многу“.
„Но, ако јас ја снимам мојата емисија [„Кардашијанки“], тогаш тие плаќаат за тоа“, објасни Ким. „Ако работам, тие плаќаат за тоа. Затоа се обидувам да платам за сè преку работа за да не морам лично да плаќам“.
Купер рече дека тоа е „паметен“ потег, а Ким продолжи да се осврнува на тоа колку пари всушност троши на својот изглед.
„Да ги соберам. Мислам, немам поим колку чинат, да речеме, обичните работи“, рече таа, додавајќи: „Да размислам за тоа“.
Купер се пошегува дека Ким треба да му прати порака на својот бизнис менаџер за одговор, на што Ким одговори: „Всушност, треба да го знам тоа“.
„Шестцифрена сума? Седумцифрена сума?“ предложи Купер. „Можеби милион долари“, одговори Ким.
„Знаеш? Не мислам дека би ме изненадило“, возврати Купер додека Ким размислуваше, додавајќи: „Оваа коса не е евтина“.
Купер подоцна предложи буџетот да биде над 1 милион долари, велејќи: „Можеби [5 милиони]“, на што Ким инсистираше дека е помалку од тоа.
Ѕвездата во нејзиното реално шоу „Кардашијанки“, како и во објавите на социјалните мрежи често е дотерана од нејзиниот тим, кој го сочинуваат долгогодишниот фризер Крис Аплтон и шминкерот Марио Дедивановиќ, меѓу другите, објавува People.