Ким Кардашијан (40) има проблеми во комуникацијата со нејзиниот сопруг Канје Вест (43) од кого се разведува откако неодамна поднесе барање на суд.
Иако парот се согласи да ги воспитуваат децата заедно, ќерките Норт (7) и Чикаго (3) и синовите Сент (5) и Псалм (1), раперот ја комплицираше целата ситуација. Според Page Six, Ким може да стигне до Канје само преку обезбедувањето затоа што тој ја спречил да комуницира на други начини.
Имено, раперот го сменил бројот на мобилниот телефон и не сака директен контакт со Кардашијан. Тој исто така бара Ким да не биде таму кога ги посетува нивните деца.
Вест одлучи да се изолира од ријалити sвездата уште пред таа да поднесе барање за развод.
“Уште тогаш тој ги смени броевите на мобилниот телефон и и рече:” Можеш да ме контактираш преку моето обезбедување”. Сепак, таа му верува доволно за да го пушти близу до децата. Канје ги сака и ги гледа често. Ким излегува од дома и тој доаѓа да се дружат. Со нив има армија дадилки, така што транзицијата е лесна “, изјави извор за Page Six.
Инаку, парот се венча во 2014 година, а според странските медиуми, нивното заедничко богатство се проценува на четири милијарди долари. Ким, наводно, планирала развод од Канје уште од јули минатата година, кога славниот рапер го шокираше светот со изјави дека размислувале за абортус на нивната најстара ќерка Норт и дека со месеци преговара за стратегии за развод со својот адвокат.