Бланкет Биги Џексон на јавноста ѝ стана познат уште од, што се вели, кога беше во пелени, откако неговиот татко Мајкл Џексон го покажа преку оградата на балконот.
Денес ова 19-годишно момче претежно живее далеку од очите на јавноста, а многу ретко се појавува во медиумите.
Сепак, Биги гостуваше во емисијата „Добро утро Британија“ и зборуваше за својот татко додека шеташе низ просторијата полна со култните костими на кралот на попот и фотографии од неговите изведби.
-Куќата и студиото се полни со спомени. Ова е всушност тоа што тој сакаше да го остави како наследство и та што секој од нас всушност сака да го направи. Сакаме да правиме работи што ќе ги усреќат другите луѓе, додаде Биги.
Кога починал татко му, Биги имал само седум години. Неговото вистинско име било Принц Мајкл Џексон II, но тој е најпознат по прекарот Бланкет. Во 2015 година си го сменил името во Биги.
За него се грижеле неговата баба и роднините, по смртта на татко му, а во 2017 година, неговата сестра Парис откри дека тие двајца се иселиле од семејниот имот во Калифорнија и дека Биги останал сам.