Харизматичната поп пејачка Јелена Розга често ја воодушевува публиката преку Инстаграм со своите модни комбинации кои зрачат со женственост, софистицираност и префинет вкус.
Покрај извонредните вокални способности, пејачката е и дама со стил, а како што истакнува модните трансформации ја прават исполнета и среќна.
Дождливите октомвриски денови Јелена ги поминува во родната Хрватска, а последниот стајлинг кој го покажа на своите фанови доби грст пофални зборови и прашањето каде може да се купи облека.
Белите волнени џемпери се многу популарни оваа сезона, особено во комбинација со тексас и кожа, а пејачката го одбрала овој тренд за опуштена прошетка со пријателите.
Миди тексас здолништето е идеално решение за дами со витка фигура, а одлично ќе се вклопи со мартинки од сите нијанси и материјали.
Од аксесоарите Розга извади чанта „Гучи“ која на овој стајлинг му даде посебен шарм.
Пред нешто повеќе од два месеци Јелена го прослави својот 44 роденден со пријателите и семејството, а наскоро во нејзиниот препознатлив дух подготвува нова песна за публиката.