Најпознатата плус сајз манекенка Ешли Греам и нејзиниот сопруг Џастин Ервин го чекаат своето второ дете.
“Изминатата година беше полна со мали изненадувања, големи таги, познати почетоци и нови приказни. Само што почнувам да разбирам и да славам што значи ова следно поглавје за нас”, напишала Ешли на споделена фотографија на која се гледа нејзниниот стомак на личниот инстаграм-профил.
Двојката има и син Исак, кого Ешли го родила во јануари минатата година. На „Денот на таткото“, таа му соопшти на својот сопруг преку емотивна објава дека Исак е среќно момче затоа што има татко кој ќе го поддржува, кој го сака и кој сочувствува со него.
Инаку, Ешли и Џастин се венчале во 2010 година.