19-годишната американска пејачка Били Ајлиш ги изненади бројните фанови ширум светот со својата драстична промена.
Били, својата препознатлива комбинација на црна и зелена боја на коса ја заменила со платинесто руса, а со ваквиот изглед се пофалила преку објава на Инстаграм. Фотографијата уште во првите 24 часа се најде помеѓу 10-те најлајкувани фотографии на сите времиња на оваа платформа.
„Штипнете ме“, напишала Ајлиш во описот.
Таа моментално се наоѓа на третото место, а зад себе остави ѕвезди како што се Кајли Џенер, Роналдо, Меси, Аријана Гранде… Моментално има неверојатни 20 милиони лајкови.
Коментарите постојано се нижат, а сите се воодушевени од промената на популарната пејачка.
„Ја обожуваме русокосата Били“, „Прекрасно“, „Може да ја има било која боја на коса и одлично да ѝ прилега“, се дел од бројните коментари под објавата.