Бритни Спирс и нејзиниот свршеник Сем Асгари ќе се венчаат денес на интимна церемонија со само 100 гости, но нејзините родители и сестра нема да присуствуваат, открива „ТМЗ“.
40-годишната поп-ѕвезда и 28-годишниот актер и фитнес-професионалец ќе разменат завети пред околу 100 луѓе.
Не се знае дали брат ѝ Брајан ќе биде присутен, но сигурно е дека нејзините родители Џејми и Лин Спирс и сестра ѝ Џејми Лин нема да присуствуваат, додава порталот.
Истиот извор пишува дека не е јасно кој ќе ја донесе до олтарот.
Во видеоклип што таа го објави на инстаграм-приказни во средата, ѕвездата добитничка на „Греми“ и нејзиниот свршеник се возат во „ролс-ројс“. Таа пие шампањ.