Бијонсе и Џеј Зи се еден чекор поблиску до испишување историја на доделувањето „Оскари“ следната година, откако моќната музичка двојка се најде на скратената листа кандидати во пресрет на 94. издание на престижните награди.
Како што пренесува „Вараети“, Бијонсе (40) и Џеј Зи (52) во вторникот биле ставени на потесната листа за „Оскар“ во која има 15 потенцијални кандидати за Најдобра оригинална песна.
Ако и двајцата го добијат конечното зелено светло, тие ќе станат првите сопружници во историјата на „Оскарите“ кои ќе се натпреваруваат еден против друг во иста категорија.
Бијонсе е номинирана, односно е на листата на потенцијални кандидати за номинација, за нејзината песна Be Alive од филмот „Кралот Ричард“ со Вил Смит во главната улога, а која ја напиша заедно со текстописецот Диксон.
А нејзиниот сопруг Џеј Зи за саундтракот Guns Go Bang од фимот The Harder They Fall.
Има уште 13 песни кои се најдоа на кратката листа за Најдобра оригинална песна, со прилично силна конкуренција од музички ѕвезди како Били Ајлиш, Боно, Џенифер Хадсон, Аријана Гранде и други.