Пејачката Адел деновиве е во центарот на вниманието поради новиот албум и поради хуманиот гест од неодамнешниот концерт.
Светот го потресе трагедијата што се случи за време на концертот на Тревис Скот во Хјустон, кога во стампедо загинаа осум лица, а неколку беа повредени.
Еден дел од јавноста му замери на музичарот што не го прекинал настапот и во моментот кога пристигнала брзата помош, а сега јавноста реагира позитивно за еден гест и сосема поинаква реакција на пејачката Адел за време на нејзин концерт.
Имено, таа за време на еден свој настап ги запрела музичарите од својот бенд бидејќи сфатила дека една личност од публиката се онесвестила.
– Адел престана да пее затоа што едно лице се онесвести, а Тревис не престана ниту по смртта на осум лица! Адел е дива, такво нешто не би ѝ се случило! – се само дел од реакциите на корисниците на социјалните мрежи.