Џони Деп (61) е во врска со рускиот модел Јулија Власова (28), пишува Дејли Мејл. Тие се запознаа во 2021 година на меѓународниот филмски фестивал во Карлови Вари и неколку пати беа видени како излегуваат заедно.
Извори блиски до актерот потврдија за странските медиуми дека Деп и Јулија се гледаат повремено во последните две години. Јулија живее во Прага, каде има свој салон за убавина. Во 2022 година, парот беше снимен во Прага на концертот на пријателот на актерот и сега починат музичар Џеф Бек.
На почетокот на оваа година, Јулија беше запрашана од следбениците на социјалните мрежи за нејзината врска со познатиот актер, а таа потоа накратко одговори: „Џ.Д. Тој е човек кој е неверојатно талентиран и инспиративен“. Во последно време Јулија често престојува во Велика Британија, каде Деп работи на нови филмски проекти.