Дебатата за Законот за јавно обвинителство и случајот „Рекет“ се силен тест за судството и за успехот на реформите, а институционална разврска на овој предмет ќе ја докаже независноста на правосудниот систем. Ова го кажа денеска премиерот Зоран Заев на прес-конференцијата со Туск.
-Нашите очекувања за Советот на ЕУ на 15-ти октомври и Европскиот Совет на 17-ти октомври се усвојување одлука за отворање преговори за пристапување без понатамошни одлжувања. Туск ќе претседава со за нас таа историска седница. Затоа детално го запознавме со сите наши напори изминативе 2,5 години, но и 15 години како држава кандидат за членство во ЕУ, рече Заев и му се заблагодари на Туск.