Премиерот Зоран Заев, обвинет во предметот „Поткуп“, на денешното сослушување во Кривичниот суд кажа дека верува во Господ и смета дека не може да се гради божји грам со кршење на божјите заповеди, како „не кради“ и „не лажи“.
Судијката Добрила Кацарска го праша Заев дали снимката објавена на Јутјуб, на која изгледа дека бара поткуп од едно евро за црквата и едно евро за Вицето, неговиот брат, е идентична со таа што се слушала без јавност во судницата. Заев одговори дека исечена е на две битни места.
„Токму кај што кажувам ’цементо‘ на струмички за цемент и за друг градежен материјал што ако милува, може да ги даде Николов како придонес за храмот, таму е исечена снимката на Јутјуб за моја дискредитација и политички линч“, одговори Заев.
„Јас сум човек што верува во Господ. Сметам дека не може да се гради божји грам со кршење на божјите заповеди: не кради, не лажи и така натаму“, додаде тој.
Извор: СДК