Дојран е еден од бисерите на македонската автентичност и чест и задоволство ми е што денеска покажавме дека здружените граѓански акции придонесуваат за покревање на духот на заедништвото и за поубава Македонија, изјави премиерот Заев.
Тој, заедно со министрите Љупчо Николовски и Роберт Алаѓозовски, заменик-министерот Јани Макрадули и советниците Цветанка Ласкова и Драган Јованов, се придружија на градоначалникот и граѓаните на Дојран, во акцијата, иницијатива на ЗЕЛС за уредување и чистење на локалните и животните средини во општините ширум Македонија.
Дојран заслужува внимание и посветеност од локалната самоуправа и заедницата. Ајде сите заедно да се вложиме за нашата убава Македонија. Ги повикувам сите општини, сите локални самоуправи, почесто да организираат вакви конкретни акции кои значат директна помош за подобар живот на граѓаните, порача Заев.
