Премиерот Зоран Заев упати честика за државната награда за човекови права „Мето Јовановски“ кон, како што рече, хероите на демократија, Ѓорѓи Лазаревски и Звонко Костовски.
-Нивната храброст и нивните вредности осојузени со политичкото и граѓанското мнозинство беа силен удар врз недемократските окови на режимот и го започнаа патот кон ослободувањето на нашето општество, вели Заев.
-Оваа нивна жртва ги поставува високо на пиедесталот моралот и одговорноста коишто еден граѓанин може да ги покаже.
Не би можел да замислам посоодветен и позаслужен избор на луѓе за оваа награда.
Ви се поклонувам, вие сте гордоста на нашето општество!
Со ова највисоко признание за остварувања во областа на промоцијата, заштитата и унапредувањето на човековите права, денеска во Собранието на Република Северна Македонија беше одбележан Денот на човековите права, напиша Заев во честитката.