Претседателот на Владата на Република Северна Македонија, Зоран Заев учествуваше и се обрати на 6-тата трибината „Фер општество – шанса за сите“ со граѓаните и со претставници од бизнис секторот, којашто денеска се одржа во Куманово.
Посочувајќи го како град на пркосот, премиерот Заев на граѓаните на Куманово и на општината, им честиташе за обезбедениот траен мир, бидејќи како што рече премиерот Заев членството во НАТО значи трајна стабилност. Таа стабилност, како што посочи премиерот Заев веќе е реалност бидејќи 8 од 29 членки на Алијансата го ратификуваа Протоколот за пристапување на Република Северна Македонија во НАТО.