Опозициската ВМРО-ДПМНЕ во денешното соопштение најавува блокирање на три крстосници во Скопје од 15 до 17 часот:
– Крстосницата кај Мавровка;
– Крстосницата помеѓу улиците Васил Чакаларов и Ангел Динев во Карпош;
– Крстосницата кај „Рампа“ во населбата Кисела Вода.
Исто така од партијата најавуваат дека и денеска во 18 часот ќе организираат протест пред Основниот суд Скопје 1 – Скопје.
Во денешното соопштение повторно реагираат на притворањето на осомничените за настаните од 27 април.
– Измислувањето и конструирањето на обвинение за тероризам против луѓе кои не сториле ниту прекршок во својот живот е класичен политички реваншизам против сите кои не се согласуваат со антидржавните политики и имаа храброст тоа јавно да го кажат. Да се прогласат за терористи луѓе кои никогаш не држеле оружје во рака и истите да се изедначат со терористите од Диво Насеље кои убија осуммина бранители е срамно и недозволиво, се наведува во соопштението на ВМРО-ДПМНЕ.