Владата денеска преку соопштение објави дека нема да ги тужи пејачот Влатко Лозановски и групата Љубојна за откажување на ангажманот, туку дека ќе се спогодат.
„Во секој договор е наведено дека ангажманот е за „прослава по повод поканата за Македонија за членство во НАТО“ со наслов “Одиме напред – Македонија во НАТО и ЕУ”.
Трошоците за неколкуте изведувачи кои го откажаа ангажманот не се вклучени во пресметката и нема да се реализираат, а административната процедура со нив ќе се заврши по пат на спогодба“, соопштија од Владата.
Оттаму информираа дека вкупните трошоци за прославата биле 179.500 евра.