Претсeдателот на Собранието, Талат Џафери, на прес-конференција, заедно со премиерот Зоран Заев и другите пратеници од мнозинството, рече дека првпат влегува во прес-салата каде што се случи упадот на 27 април минатата година.
„Простувам, но нема да го заборавам она што се случи“, рече Џафери.
Тој во обраќањето изјави дека гледал како маса граѓани влегуваат од надвор, а некој тоа го инструирал однатре.
„Наши колеги го правеа тоа. Нема да дозволам да се повтори такво нешто. Вратите во Собранието сега се отворени за сите добронамерници“, истакна Џафери.
Извор:Макфакс