Пред три години кога бевме информирани за истекувањето на шестовалентен хром од Југохорм, организиравме еден специјализиран тим иако не е во наша надлежност и ја собравме целокупната јаловина која беше депорина таму и можеше низ некој период да направи проблеми на изворот Рашче, рече во гостувањњто во вестите на Сител, кандидатот на СДСМ за градоначалник на општина Карпош и директор на ЈП Водовод и Канализација, Душко Весковски.
– Заедно со испитувањата кои се направени на планината Жеден, а тоа се бушотини на 400 метри природен филтер за изворот, можат граѓаните на Скопје да бидат мирни и уверени дека пијат една од најчистите и најдобрите води во Европа, ние правиме и секојдневни анализи на 26 места во градот, а овој позитивен пристап кој го применуваме со Градот Скопје и министерството за животна средина можат да направат многу за да го задржиме нашето непроценливо богатство, а тоа е изворот Рашче, рече тој.
Тој потсети дека по Виена ние сме втори во Европа по квалитетот на вода за пиење.
– Јаловината е дислоцирана, опасноста е тргната од пред три години, се што треба да направи министерството за животна средина заедно со Владата и Градот Скопје е да го исчисти теренот, во блиска иднина ние немаме опасност од јаловината од Југохром, но треба да се интервенира со специјлна студија и решавање на пробелмот на Југохром, рече Весковски.