Пред само неколку месеци, сегашниот министер за земјоделство, шумарство и водостопанство Цветан Трипуновски, тогаш во својство на дополнителен-заменик, го критикуваше начинот на кој малите винарии и производители на храна и пијалоци добивале финансиска поддршка од ресорното министерство, нешто за што веднаш беше демантиран и од министерството и од здружението на македонски семејни винарии.
Иако Трипуновски остана должен да одговори, зошто е против развојот и поддршката на малите производители на храна и пијалоци, тоа не му пречеше овој викенд да се појави и да се слика на македонскиот штанд на саемот за храна и вино, Wine Vision во Белград, настан кој е осмислен и започнат пред три години, од предходните влади на земјите членки на Open Balkan.
Министерот за земјоделство Трипуновски во отсуство на нови проекти и идеи, останува да ги следи и да ги копира, осмислените и реализирани проекти на предходното раководство во министерството кои сакал тој да признае или не, даваат успешни резултати секоја година.
Кога беше во опозиција, тој секојдневно ги критикуваше сите проекти на тогашната влада во земјоделството. Откако стана министер се појавува и на националниот саем за храна и пијалоци “Вкуси ја традицијата” и на “Wine Vision”. Тоа е добро, затоа што можеби конечно и тој ќе сфати дека додека тој критикуваше, некој пред него макотрпно работеше на конкретни идеи и проекти за развој на оваа гранка.