Управата за јавни приходи ќе ја прошири истрагата и на други фирми и физички лица откако во понеделникот влезе во четири компании кои се поврзани со Бојан Јовановски и случајот „Рекет“, објави ТВ 24. Од УЈП велат дека истражителите проверувале дали имало затајување на данок и дека според првичните наоди, финансиската истрага ќе се проширува и на други компании и лица.
Освен Меѓународниот сојуз, контрола се прави и во телевизијата 1ТВ, БМЈ медија груп, која е сопственик на телевизијата, како и во Томато продукција во чии простории се сместени фирмите.