Прилепската јавност вчера беше разбранувана од информацијата дека првиот човек на ВМРО ДПМНЕ во Прилеп, координаторот Петар Ристески, бил инволвиран во физичка пресметка во самиот центар на градот.
Според неофицијални информации, станува збор за физичка пресметка со свој сограѓанин, стоматологот и колега по професија Бисерковски, која следела по кратка вербална расправија.
Од МВР Прилеп сѐ уште не откриваат детали за инцидентот, а повеќе информации се очекуваат во текот на денешниот ден.
На својот фејсбук профил се огласи и нападнатиот, стоматологот Благоја Бисеркоски :
САМО ДА ВЕ ИНФОРМИРАМ ДЕКА СНОШТИ ОКОЛУ 20ч. и 45 мин.ОТИДОВ ВО СЛАТКАРНИЦА ” ДИЗНИЛЕНД ” И НАДВОР СЕДЕШЕ ПЕТАР РИСТЕСКИ, КОЈ МЕ ” ПРЕЧЕКА ” СО ЕДЕН КУП ВУЛГАРНОСТИ НА МОЈА СМЕТКА И НА СМЕТКА НА МОЈАТА ФАМИЛИЈА … НА ИЗЛЕГУВАЊЕ ПРОДОЛЖИ ДА МЕ НАВРЕДУВА МЕНЕ И МОЈАТА ФАМИЛИЈА, ЗА ДА ТОА КУЛМИНИРА СО ФИЗИЧКИ НАПАД . БЕВ УДРЕН СО БОКС ОД ПОЗАДИ ВО ЛЕВАТА СТРАНА ОД ГЛАВАТА. ЗА СРЕЌА ЕДНО ДРУГАРЧЕ ШТО СЕДЕШЕ СО НЕГО ГО СПРЕЧИ И ГО ЗАДРЖА ДА НЕ ПРОДОЛЖИ ПОНАТАМУ. СЛЕДУВАШЕ ПРИЈАВА ВО ПОЛИЦИЈА, ЗАПИСНИК, ПРЕКРШОЧНА ПРИЈАВА .ОД МЕНЕ ТОЛКУ. ИМАЈТЕ УБАВА ВЕЧЕР …