Директорот на Царинската управа Горан Сугарески денеска оствари средба со директорот на Управата за финансиска полиција Арафат Муареми.
-Борба и заедничка заложба за сузбивање на организираниот финансиски криминал беше тема на разговор на денешната средба која ја остварив со директорот на Управата за финансиска полиција Арафат Муареми. Заеднички ќе работиме на интензивирање на досегашната добра меѓуинституционална соработка и зајакнување на техниките за проценка на ризик и изнаоѓање на нови начини и методи за целосно подобрување на системот во борбата против финансискиот криминал и заштитата на финансиските интереси на граѓаните. – рече Сугарески по средбата.