Адвокатите на обвинетите во најголемиот случај на СЈО „Титаник“, кој го застапува обвинителката Лиле Стефанова, денеска побараа одлагање на рочиштето, поради „новонастанатата ситуација“, како што рекоа и поради најавената оставка на специјалната обвинителка Катица Јанева, пренесе СДК.
„Новонастанатата ситуација е работа на друго обвинителство, кое треба да ги расчисти работите. Ако одлагаме, може да упаднеме во истрагата. Оставката е констатирана и условена со други дејства што треба да се направат. Нема правни пречки да продолжиме денеска“, им кажа судијата за организиран криминал Шабани.