Поранешниот градоначалник на општина Карпош, Стефче Јакимовски синоќа беше лишен од слобода и во следните 24 часа тој ќе биде изведен пред истражен судија за наводна злоупотреба на службената положба кога беше градоначалник во Карпош за три тендери.
Финансиската полиција води постапка за спроведување на три јавни набавки од страна на Општина Карпош додека градоначалник беше Стевчо Јакимовски.
Во две куќи во негова сопственост вчера попладне беа извршени претреси. Јакимовски изјави дека двете јавни набавки биле спроведени во 2012 година и се однесуваат за бараките каде што е сместена општината, а третата јавна набавка е поврзана со изградба на плоштадот во Жданец.
Денеска Јакимовски треба да биде изведен пред надлежен јавен обвинител.