Во рамките на официјалната посета на премиерот на Р. Бугарија, Бојко Борисов и министрите во владата, пред почетокот на Заедничката седница на Владата на Р. Македонија и Владата на Р. Бугарија, министерот за земјоделство, шумарство и водостопанство, Љупчо Николовски оствари билатерална средба со ресорниот министер за земјоделство, храна и шумарство, на Р. Бугарија, Румен Порожанов.
Двајцата министри разговараа за областите на соработка и за нејзино брзо ефектирање преку конкретни чекори што ги договориле да се преземат по оваа средба.
Акцентот ќе се стави на поголемо искористување на IPАRD средствата преку создавање услови за нивна поуспешна апсорпција.
Воедно, министерот Николовски добил покана за учество на Конференцијата на земјоделски асоцијации, која ќе се одржи во февруари, во Р. Бугарија.
