Претседателот на СДСМ, Зоран Заев придружуван од Дејан Павлески, претседател на Комисијата за локална самоуправа на СДСМ, се сретна со Еугене Гуренко, претставник на Светска банка, придружуван од Маријана Лемиќ-Сарамандиќ и Надица Јовановска Бошковска, претставници на проектот Европа Ре, финансиран од Светска банка, за заштита од катастрофални ризици.
На средбата се разговараше за достапната помош од Светска банка на државата и на општините во услови на природни непогоди со несакани последици.
– Неподготвеноста на државните институции да се справат со ризиците и последиците од поплавите со катастрофални последици во Скопје како и земјотресите што го погодија скопскиот регион е алармантна потврда дека на Македонија и е потребен далеку посериозен пристап во справувањето со несаканите последици од можните природни непогоди. Граѓаните страдаат, а властa свесно не ги користи ваквиот вид проекти бидејки се транспарентни, нешто што не е карактеристика на оваа неодговорна власт, рече Заев.
Претседателот на СДСМ Заев го поддржа проектот на Светска банка за заштита од природни непогоди и ризици и рече дека државата во иднина мора сериозно да се отвори кон ваков вид проекти што се од посебен интерес за граѓаните.
За поврзани вести продолжете надолу