„Гласањето во текот на денот мина во мирна и демократска атмосфера. Институциите покажаа дека може да организираат мирни и достоинствени избори како што и доликува на земја која е на пат кон ЕУ.“ – рече министерот за внатрешни работи Оливер Спасовски.
„Дозволете да им честитам на граѓаните и на институциите за одлично спроведените избори. Во текот на денешниот ден во МВР се констатирани 4 фотографирања на гласачките ливчиња за што сторителите се приведени, едно оштетување на гласачката кутија во Новаци и делење на пропаганден материјал во село Кучичино .“ – рече Спасовски.
„За пет пати е намалена бројката на инцидентите за разлика од претходните изборни процеси во земјава. На денешниве избори нема констатирано кривично дело за разлика од претходните изборни процеси.“ – констатира Спасовски.