Познатиот метеопрогнозер Славчо Попоски со оптимистичка најава за претстојните новогодишни празници. Според неговите најнови анализи, токму на полноќ на 1 јануари 2026 година, целиот Балкан, а особено Македонија и Бугарија, ќе бидат покриени со значителна снежна покривка.
Попоски вели дека станува збор за вистинска „снежна идила“ која со нетрпение се очекува од граѓаните.
„Немам зборови за ова и сигурен сум во целост сите ова го чекаме и да се молиме на Бога да остане вака. Станува збор за новогодишната ноќ точно на полноќ 1 јануари 2026 година“, вели Попоски во својата прогноза.
Според најавите, ваквите временски услови ќе придонесат за преубава празнична атмосфера, исполнувајќи ги желбите на многумина за „бела“ Нова година.