Во строгиот центар на Скопје ќе може да се паркираат само жителите, најави градоначалникот Петре Шилегов, кој најави и дека ќе поскапи и паркирањето во Центарот.
– Ќе го реорганизираме паркирањето во рамките на постоечката инфраструктура. Постепено ќе ги ослободиме пешачките зони и тротоарите од автомобили и ќе воведеме режим каде може, а каде не може да се паркира. Со тек на време ќе воведеме и резиденцијално паркирање за луѓето кои живеат во тој дел, како единствен начин на паркирање во централното градско јадро – рече Шилегов.
Тој вчера најави скалесто поскапување на цените за паркирање, а намалување на билетите во автобусите со цел да се стимулираат граѓаните да користат јавен превоз.