Венко Филипче денеска на својот профил на Фејсбук објави дека полицијата работи на расчистување на случајот со претепаната медицинска на КАРИЛ, која се грижела вечерта за млад пациент, а потоа била нападната од неговото семејство утринава откако тој починал.
– На Клиника за анестезија, реанимација и интензивно лекување КАРИЛ, денеска беше нападнато медицинско лице кое работи на оваа Клиника. Во име на Министерството за здравство, но и во мое име како министер, ја разбирам загубата на блиските на пациентот кој починал, но не разбирам и не поддржувам под никаков изговор, физичко, психичко или какво и да било насилство врз медицинскиот персонал, кој деноноќно се грижи за здравјето и животот на пациентите. Насилството е недозволиво и не е начин на кој треба да комуницираат пациентите и лекарите. МВР работи на расчистување на случајот.
Филипче ја посетил медицинската сестра, откако истрауматизирана била однесена на Клиниката за Психијатрија.