„ВМРО-ДПМНЕ предводена од губитникот Христијан Мицкоски е веројатно единствената партија во светот која од почетокот на пандемијата па до денес е на страната на коронавирусот, против јавното здравје и здравствениот систем.
Нема ден а во јавноста да не се појави лажна вест, манипулација пласирана од Белиот дворец со намера да се поткопа здравствениот систем и да се внесе вознемиреност меѓу граѓаните.
Наводно загрижени за јавното здравје, ВМРО-ДПМНЕ бесрамно организираат масовни собор без почитување на здравствените протоколи и со грубо прекршување на мерките за заштита од коронавирусот.
Ваквиот деструктивен, безобразен однос на ВМРО-ДПМНЕ кој јавното здравје и кон здравствениот систем е одамна препознаен од граѓаните.
Затоа Мицкоски и ВМРО-ДПМНЕ постојано се казнувани и ќе бидат казнети одново, затоа што се водат исклучиво од лични и теснопартиски интереси, наместо од интересите на граѓаните и државата, стои во соопштението на СДСМ.