ВМРО-ДПМНЕ преку искривените партиски соопштенија за земјоделството се обидува да ги прикрие позитивните трендови, реагираат од владејачката СДСМ.
„Македонското сточарство расте, продажбата на говедско месо во вториот квартал е порасната од 186 на 441 тон односно зголемена е речиси тројно. Продажбата на свинското месо за само една година пораснала од 2 442 на 3 518 тони! Додека пак продажбата на млеко пораснала од 439 илјади на 477 илјади литри! Дополнително, продажбата кај индивидуалните земјоделци пораснала од 1 227 320 денари во 2017 година на 1 399 665 денари во 2018 година“, стои во партиското соопштение во кое се додава дека податоците јасно укажуваат на добри трендови особено кај помалите производители.
Покрај тоа, се наведува и дека Владата на СДСМ вложува силно во земјоделството и водеува нови политики кои даваат резултати, навремено ги исплаќа сите субвенци и инвестира во големи капитални проекти кои носат раст, развој и повеќе пари кај секој земјоделец.