„Драган Ковачки продолжува да ја срами униформата. Помина цела кариера во Армијата, за на крај да заврши како приврзок на партијата која не направи ништо за Армијата и за членството на нашата држава во НАТО.
Го повикуваме Ковачки, да се одлучи и да и соопшти на јавноста: Дали ќе биде војник на партијата или ќе биде војник на Армијата?
Старата поговорка вели: две лубеници во една рака не се носат. Оваа поговорка најмногу важи за лицето Драган Ковачки кој очигледно ја отфрли униформата на Армијата и ја облече партиската униформа.
Полковнику Ковачки, решете се и соопштете и на јавноста: дали сте војник на Армијата или сте војник на партијата?
Дали Ковачки ќе продолжи да манипулира со јавноста?
Од една страна вели дека во јавноста настапува како претставник на ВМРО-ДПМНЕ а не како лице од Армијата, од друга страна манипулира со теми кои се внатрешно прашање на Армијата и на безбедноста“, се вели во соопштението на СДСМ.