Денеска стартува предизборната кампања за десетите по ред парламентарни избори во земјава закажани за 15. јули.
„СДСМ ја предводи најголемата, најразноликата и најсилната коалиција составена од 25 политички партии која е апсолутен фаворит на изборите. За првпат имаме целосно мултиетничка, коалиција, а 60% од нашите кандидати се жени. 120 имиња на одговорни и угледни граѓанки и граѓани спремни да се вклучат во процесот на позитивните промени“ – порачаа од Социјалдемократскиот Сојуз и коалицијата на стартот на предизборната кампања промовирајќи ги носителите на изборните листи во изборните единици ширум земјава.