Во владејачката СДСМ забележливо е раздвижување и впечатливо теренско присуство. Цело лето претставници на СДСМ беа на бројни маалски и урбани средби, со гаѓаните.
СДСМ денеска денот го одбележа со низа активности.
Покрај редовните прес конференции на кои ги презентираат мерките, социјалдемократите денеска со интензивна агенда на теренски активности.
Функционери на партијата меѓу кои и потпретседателот Мухамед Зеќири, портпаролот и член на Извршниот одбор Костадин Костадинов, како и членот на Централниот одбор Андреј Жерновски денеска беа во Крива Паланка во комплексот „Трновски ветер“ каде се одржа традиционален пикник на СДСМ.
Потпретседателот на СДСМ Оливер Спасовски беше во посета и средба со жители на општината Маврово Ростуша.
Комисиите на СДСМ пак, во соработка со Меѓународниот републикански институт ИРИ одржаа работилница за стратешко планирање и приоритети за спроведување.
Викендов, бројни општински организации како Штип, Виница, Кочани, Берово, Делчево, Пехчево, Кратово, Крива Паланка, Тетово, Гостивар и други се приклучија кон еко акцијата на ЈП ДП за чистење на регионални и магистрални патишта.
Очигледно е дека промените во раководството на СДСМ, резултираат со зголемени активности и засилено присуство на терен.
Извори од партијата информираат дека овие и слични други активности во наредниот период дополнително ќе се интензивираат.