ВМРО-ДПМНЕ никако да сфати дека сто пати повторена лага никогаш нема да стане вистина, но упорно и во очај секојдневно шири дезинформации и невистини. – реагираат од СДСМ.
Согласно јавно достапните информации, изучувањето на предметите Македоснки јазик и Историја продолжува и со новата концепција, затоа што се од суштинско значење за нашиот идентититет и воопшто не станало збор, ниту пак се планира нивно укинување.
За разлика од времето кога владееше режимската ВМРО -ДПМНЕ која никого не консултираше туку само имплементираше, целиот овој процес, како и многу процеси претходно, се води на крајно транспарентен начин и во широка консултација каде се вклучени буквално сите страни.
Антиреформи беа погубните политики на режимската ВМРО-ДПМЕ со која образованието беше турнато на дното, наставниот кадар беше понижуван, а учениците беа користени за експерименти на тогашната власт.
Единствена цел на образовната реформа е да создадеме образование кое ќе овозможи секое дете да го достигне својот полн потенцијал и кое ќе ги учи идните генерации на вистински вредности, а трудот на наставниците да биде вистински вреднуван – стои во соопштението од СДСМ.