Претседателот на Собранието, Талат Џафери денеска оствари проштална средба со претседателот на Уставниот суд, Сали Мурати.
Како што соопшти кабинетот на Џафери, на средбата взаемно е констатирана добрата соработка на Собранието со институција Уставен суд.
– Претседателот Џафери се заблагодари на придонесот кој судијата Мурати го има дадено преку неговата работа во една значајна институција како што е Уставниот суд и му посака пред се, добро здравје со желба за понатамошни успеси на личен и професионален план по завршувањето на мандатот на претседател на Уставниот суд на Република Северна Македонија, се наведува во соопштението.