Претседателот Стево Пендаровски денеска имаше средба со Ана Лешоска-Чоловиќ, која е добитничка на наградата Голдман за нејзината борба за зачувување на животната средина и придонес кон биодиверзитетот во националниот парк „Маврово“, домот на балканскиот рис.
-Имавме многу корисен разговор и се согласувам со неа дека зачувувањето на рисот е одговорност кон светот за заштита на биодиверзитетот. Ти благодарам Ана за беџот, ќе ме потсетува дека сите заедно треба да работиме за подобра животна средина, изјави Пендаровски.
