Интернет портали блиски до ВМРО-ДПМНЕ, продолжуваат со лажни вести да ја замајуваат јавноста.
Денеска, неколку портали, пренесувајки лажен статус на Твитер од скриен профил, објавија лажна вест за наводно фатен братучед на министерот за земјоделство, во шверц.
Во самиот текст, ниту пишува кое е лицето, ниту каде е фатено, ниту кога е фатено, ниту со што е фатено, само наслов како да привлече внимание.
Потсетуваме, оваа лажна вест e напишана од скриен профил на Твитер, која потоа e пренесена од одредени портали блиски до ВМРО-ДПМНЕ.
И-портал од свои извори дознава дека ова е целосно лажна вест преку која, очигледно некои медиуми блиски до ВМРО-ДПМНЕ се обидуваат да го отргнат вниманието од актуелните случувања во врска со претстојниот референдум за кој за толку важно прашање за иднината на државата, Мицкоски и ВМРО-ДПМНЕ сеуште немаат став.
Истите медиуми кои сега пренесуваат лажни вести, немаа храброст да ја информираат јавноста кога синот на поранешниот претседател на Собранието од ВМРО-ДПМНЕ, беше фатен со ДРОГА на македонско-грчката граница, како и за поранешниот директор на УБК и ПРВ БРАТУЧЕД на тогашниот премиер, Груевски, Сашо Мијалков кој беше фатен со пиштол на аеродром во Белград. Но, затоа изминатиов период, истите овие портали ја замајуваат јавноста со лажни вести поврзани со одредени функционери.