Во кривичниот суд во Скопје утрово почна судењето за тешката сообраќајна несреќа што се случи во февруари кај Ласкарци. Во претесната судница на обвинителна клупа седнаа сопственикот на „Дурмо Турс“ Дурмиш Белули, вработен во „Дурмо Турс“, Р.М кој претходно бил осудуван, машинскиот инженер порано вработен во техничкиот преглед, И.Ѓ, исто така и Г.Д, Ј.Б, и возачот М.т. Во судницата беа присутни и нивните адвокати, како и адвокати на оштетените, пренесува „Макфакс
“Предметот го застапува скопскиот обвиниетел Дарко Јакимовски, а го судат Диана Груевска Илиевска и Александра Ристеска и тројца судии поротници.
Обвинителот Јакимовски во воведните зборови рече дека судиите ќе судат за катастрофалните последици кои можело и морало да бидат избегнати.
„Дејствијата на овие обвинети се во директна врска со настапената последица која резултираше со смрт на 16 лица патници во автобусот, а 38 лица се здобија со телесни и тешки телесни последици. Не постои криминален ребус кој не може да се одгатне. Овој настан е кумулација на голем број пропусти кои не настанле спонатно“, рече Јакимовски.
Во предметот обвинетите се товарат за тешки дела против безбедноста на луѓето и имотот во сообраќајот.