По повод царинскиот празник во организација на царинарница Гевгелија на ден 13.04.2019 година се одржа акција на чистење на ГП Богородица и околината.
На акцијата беше присутен Градоначалникот на општина Гевгелија г-дин Сашо Поцков, претставници на локалната самоуправа, претставници на Полицијата, претставници на комуналното претпријатие, правните субјекти со седишта околу граничниот премин, царински застапници, царински работници од испоставите Гевгелија, Богородица, Дојран, Ново Село, Кавадарци и сите дадоа активно учество во остварување на главната цел на оваа акција-подигање на еколошката свест.
За таа цел покрај собирање на отпадот, на граничниот премин се засадени околу 80 дрвца садници од разни видови: 30 борчиња, 25 леандри, 16 индиски јорговани и 12 мушмули.
