Буџетот на Јавното обвинителство за 2017 година е скратен за околу 700 илјади евра или од 11,7 на 11 милиони евра. Тоа подразбира и кратење на платите на јавните обвинители со 20 отсто. Извори на Алсат М од обвинителството велат дека кај обвинителите има незадоволство од скратување на приходите. Сепак, од оваа институција на чие чело е вршителот на должноста Лилјана Спасовска не одгoворија на прашањата околу кратењето на платите. Ниту Советот на обвинител не е известен за одлуката за кратење на платите на обвинителите. Новиот претседател на Советот, Коле Штерјов во телефонски разговор објасни дека органот кој тој го управува е само известен за кратење на буџетот но дека за 20 отсто помали плати нема конкретни информации. Кратењето на платите според експертите подразбира назадување во спроведување на реформите.
Пред осум месеци, кога Јавното обвинителство го водеше Марко Зврлевски, платите на јавните обвинители се зголемија за 20 насто, а до септември беше предвидено платите да се зголемат до 35 насто. Актуелната влада се обврза дека ќе изврши реформи во Обвинителството во рамките на планот 3 – 6 – 9, но како дел од владината програма. Сепак, единствената реформа досега е разрешувањето на поранешниот јавен обвинител, Марко Зврлевски.