Кога станува збор за тајниот имот на екс премиерот Никола Груевски, на изненадувањата им нема крај. Најновото е дека на една на парцелите на Водно, бегалецот сакал да гради огромна палата во барок стил. „Фокус“ дознава и пренесува дека основата на објектот требало да бидe 1.300 квадратни метри, со плус еден кат, со што би се удвоила квадратурата.
Објект со ваква големина е тешко да се замисли, но очигледно понесен од мегаломанството на проектот „Скопје 2014“, му се зголемиле и личните апетити.