Пет смртни случаи поврзани со грип се пријавени во изминатата недела од кои двајца имале претходна хронична болест. Смртните случаи се регистрирани во Скопје, Делчево, Крива Паланка, Охрид и Тетово. Возраста на починатите е од 39-75 години, објави Институтот за јавно здравје.
Кај три лица од починатите е изолиран А(H1pdm) вирусот на грип, а кај еден несубтипизиран тип А.
Со ова регистрирани се вкупно 28 смртни случаи асоцирани со грип во сезоната 2018/19, а лицата биле на возраст од 5 до 86 години, што е најмногу досега по 2009 година кога се појави свинскиот грип и кога починаа 30-тина лица.