Министерот за земјоделство, шумарство и водостопанство Љупчо Николовски денеска оствари средба со претставниците на Комората на Органски Производители на која се разговарало за политиките и можностите кои ги нуди министерството преку програмите за финансиска поддршка, како и предизвиците со кои се соочуваат органските производители.
-Органското производство е перспективен потсектор на кој изминативе години како Влада му дадовме големо значење и финансиска помош. Во тек е изработката на новата законска рамка за органското производство и посебно ми е драго што го водиме тој процес во отворена соработка со сите засегнати страни, посочи министерот Николовски.