Министерот за земјоделство, шумарство и водостопанство, Љупчо Николовски со дел од кабинетот, денеска ги посетија децата сместени во СОС Детското село. Во рамки на посетата, вработените од СОС Детското село го запознаа министерот Николовски со принципот на заштита и грижа за децата кои ја загубиле, или се изложени на ризик да ја загубат родителската грижа.
„Децата се нашата иднина, секое од нив заслужува среќно и исполнето детство, еднакви услови за раст и развој. Многу ми е драго што и јас, и останатите претставници од нашето министерство имаме можност да дадеме скромен придонес и да им го разубавиме секојдневието на децата од СОС Детско село“, порача Николовски.
МЗШВ веќе има ангажирано дете кое е пораснато во СОС Детско село и е студент на Шумарскиот факултет. Министерството и во иднина ќе остане отворено, грижејќи се и нудејќи можности за децата во згрижувачките домови и семејства.
