Генералниот секретар на СДСМ и носител во ИЕ 3 Љупчо Николовски денеска беше во месноста Равна Река каде се инвестира во Рекреативен центар на познатите Црнодолските водопади.
„Вистинска магија е да се биде овде, во раскошната природа на Малешевските планини, во месноста Равна Река. Да се претопиш во високата букова и борова шума, збогатена со изворите на Брегалница и 5 водопади од кои највисокиот е 14 метри. Природата навистина прави чуда!“ – рече Николовски споделувајќи фотографии од преубавата природа во овој дел на земјата.
„И додека ние вложуваме кај Црнодолските водопади, за да направиме вистински рекретативен центар во кој граѓаните ќе уживаат во оваа убавина, Мицкоски и ВМРО-ДПМНЕ овде направија три хидроцентрали – ја уништија природата, го уништуваат биодиверзитетот за лично богатење. Злосторство!“ – нагласи Николовски.
„Затоа на 15-ти јули повторно ќе им кажеме дека се МИНАТО, а коалицијата МОЖЕМЕ продолжува напред уште повеќе и уште подобро.“ – заклучи носителот на листа во ИЕ3.